Бөлүмдөр
Шаршемби, 23-январь
Чүй облусуМосква району 23.01.2018 14:52

Жаш талант: Шахматчы Т.Жайнаков үй-бүлөсү менен бирге Кыргызстандын чемпиону болгон (фото)

Turmush -  Таалайбек Жайнаков 6 жашынан баштап шахматка катышат. Үйдө өзүнөн башка атасы жана агасы да шахмат ойношот. Таалайбек менен аймактык кабарчы таанышты.

Жаш шахматчы Чүй облусунун Москва районунда 2006-жылы төрөлгөн.

«Аатам дагы шахматка бала кезинен кызыгып келген экен. Азыр да ойноп калат. Мени 6 жашымда эле шахмат ийримине киргизип койгон. Ал эми байкем 9 жашында аралаша баштады. Үйдөн атам үчөөбүз ойнойбуз.

Үй-бүлөлүк мелдешке атам үчөөбүз катышып, 2015-жылы, 2016-жылы удаасы менен Кыргызстандын үй-бүлөлүк чемпионатында 1-орунду алдык. Ал эми өзүм 2013-жылы Кыргызстандын чемпионатында 10-орунду, 2014-жылы 3-орунду жана 2015-жылы, 2016-жылы удаасы менен 1-орунду багындырдым. 2017-жылы жана быйыл дагы 2-орунду алдым. 2015-жылы байкем экөөбүз тең Кореяга барып, Азия чемпионатына катыштык. 2016-жылы Монголияга барып, 9-орунга илинип келдик. 2017-жылы Ташкентке барып, 7-орунду багындырдым. Эми буюрса Тайландга барам деп камдануудамын. Кайсы жылы экени эсимде жок, бирок президенттин кубогун да утуп алгам. Байкем Сагыныч 2017-жылы президенттин кубогун жеңген. Келечекте дүйнө чемпиону болсом дейм», - деди ал.

Таалайбек үй-бүлөдө 4 бир туугандын үчүнчүсү.

«2 байкем, 1 карындашым бар. Атам — Каттабек Эшбеков, апам — Малика Астанова. Биз Чүй облусунун Москва районуна караштуу Сретенка айылында жашайбыз. Мен Кыргызстанда спорттун чеберлигине талапкермин», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×