Бөлүмдөр
Шаршемби, 26-сентябрь
Чүй облусуМосква району 19.06.2018 19:44

Беловодск айылындагы психоневрологиялык интернаттын жаңы имаратынын курулушу толук каржыланат

Turmush -  Москва районунун Беловодск айылындагы психоневрологиялык интернаттын жаңы имаратынын курулушу ушул жылы толугу менен каржыланат. Бул тууралуу вице-премьер-министр Алтынай Өмүрбекованын иш сапарында айтылды, деп маалымдайт өкмөттүн басма сөз кызматы.

Аталган стационардык мекеме 1935-жылы негизделген. Бүгүнкү күндө анда 229 бала тарбияланат. Интернаттын аймагында 2017-жылы 40 балага эсептелген кошумча жаңы имарат курула баштап, сметалык наркы 47 млн сомду түзгөн болчу. Анын 10 млн сому гана каржыланган.

Вице-премьер-министр белгилегендей, жаңы имараттын курулушун каржылоо маселеси толугу менен чечилген жана белгиленген убакта курулушу жыйынтыкталат. Өз кезегинде вице-премьер-министр райондук администрациядан бөлүнгөн каражаттар өз учурунда өздөштүрүлүшүн жана иштер өз мөөнөтүндө сапаттуу бүткөрүлүшүн көзөмөлдөөнү өтүндү. Жыйынтыгында вице-премьер-министр тийиштүү мамлекеттик органдарга жер-жерлердеги абалды жакшыртуу боюнча бир катар тапшырмаларды берди.

А.Өмүрбекова Чүй облусуна уюштурулган жумушчу сапарынын жүрүшүндө облустун бир катар медициналык мекемелеринин иши менен да таанышып чыккан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×