Бөлүмдөр
Шаршемби, 26-сентябрь
Чүй облусуМосква району 24.06.2018 12:21

Айыл турмушу: Багбанчылыктын сырын өздөштүргөн З.Эрматова жер-жемиштин түрүн өстүрүүдө (фото)

Turmush -  Москва районунун Ак-Суу айылынын тургуну Зухра Эрматова жолдошу менен жер-жемиштин түрүн өстүрүп киреше табат. Аны менен аймактык кабарчы таанышты.

Дыйканчылык, багбанчылыктын сырларын жаштайынан өздөштүргөн Зухра айым 1 сотых жерден 120 килограмм малина алат.

«Жолдошум Бектур экөөбүз 5 гектар жерди ижарага алып, жүгөрү, картошка, помидор, ашкабак жана башкар жашылча-жемиштерди өстүрөбүз. Ошондой эле 1,5 гектар жерге алма бак отургузганбыз. Аларды суугарып, түбүн жумшартып, дарылоону өздөштүргөм. Учурда 80 сотых жердеги малина бышып, мөмө берүү алдында турат», - деди ал.

Аракет кылсаң берекет болот деген дыйкан түштөн кечке чейин талаа иштери менен алек.

«Бизге жергиликтүүлөр гана эмес Бишкектен да келишет. Учурда малинанын килограммы 100-120 сомго бааланууда. Мол түшүм алуу үчүн малинанын күзүндө отургузуу зарыл. Эрте жазда (кар алдында) тамыры жайгашып отурукташат. Ошондой эле сорту негизги ролду ойнойт. 1 сотых жерден 120 кг малина алабыз», - деди ал.

Зухра Эрматова жолдошу экөө эки баланы тарбиялап жатышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
×