Бөлүмдөр
Шаршемби, 23-январь
Чүй облусуМосква району 26.11.2018 10:21 На русском

Видео — Москва районунда жүк ташуучу унаа менен кагышкан «Тойотанын» таш-талканы чыгып калды

Turmush -  Кечээ, 25-ноябрда болжол менен саат 11:30 чамасында Москва районунун Петровка—Нарзан ички чарбалык унаа жолунун 11-чакырымында, тактап айтканда Мураке айылында эки унаанын катышуусунда жол кырсыгы катталды. Бул маалыматты Чүй облустук ЖКККБнын басма сөз кызматы тастыктап, 5 киши ар кандай жаракат алганын кабарлашты.

Маалым болгондой, «Мерседес Гигант» автоунаасы түндүктү көздөй бара жатып, каршы багыттагы «Ниссан Пайтфандер» унаасы менен кагышкан. Анын кесепетинен 5 киши ар кандай жаракат алып, Москва райондук аймактык ооруканага жеткирилген.

Учурда бул жол кырсыгы боюнча териштирүү иштери жүрүүдө.

Буга чейин окуянын күбөлөрү «Репортер» басылмасына Бишкек—Ош унаа жолунда «Мерседес Гигант» жана «Тойота» үлгүсүндөгү автоунаалардын катышуусунда жол кырсыгы болгонун кабарлашкан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×