Бөлүмдөр
Дүйшөмбү, 18-ноябрь
Чүй облусуМосква району 02.11.2019 12:16

Москва районунда милициянын 95 жылдыгына карата парад уюштурулду

Turmush -  Кечээ, 1-ноябрда Москва районунун борбордук аянтында кыргыз милициясынын 95 жылдыгына карата салтанат уюштурулду. Бул тууралуу Turmush басылмасынын аймактык кабарчысы маалымдады.

Маалым болгондой, иш-чарада тартип сакчылары параддан өтүштү. Ага жергиликтүү бийлик өкүлдөрү, мекемелердин кызматкерлери, тургундар күбө болушту. Аны атчан милициялар, жол кыймылынын коопсуздугун камсыздоо бөлүмүнүн өкүлдөрү жана мотоцикл айдаган ички иштер кызматкерлери коштоду. Көрүүчүлөрдү 11 жаштагы Чук аттуу ит кызыктырды.

«Сиздерди кыргыз милициясынын 95 жылдык майрамдык мааракеси менен куттуктайм. Өткөн 95 жыл ичинде кыргыз милициясы катаал сыноолордон ийгиликтүү өтүп, зор тажрыйба топтоду. Кыргыз милициясы түзүлгөндөн бери элибиздин бейпилдигин, бекемдигин, тынчтыгын, ынтымактыгын жана өлкөбүздүн коопсуздугун сактап келген. Кыргыз милициясынын тарыхында башынан ар кандай мезгилдер жана татаал күндөр өткөн. Милиция кызматкерлери жумуштун түйшүгүнө, кыйынчылыгына карабастан кандай гана кырдаалда болбосун бардык тапшырмаларды, милдеттерди абийирдүүлүк менен аткарып келишет. Кылмыштуулук менен күрөшүүдө, жарандардын коопсуздугун камсыз кылууда ар дайым алгылыктуу аракеттерин жүргүзүшөт. Ички иштер кызматкерлеринин сыймыгына татыган милициянын ардагерлери четте калбастан дайыма кеп-кеңештерин, акыл насааттарын айтып, бай тажрыйбасын бөлүшүп турушат. Биз алар менен сыймыктанабыз», - деди Москва РИИБдин жетекчиси Уран Шамбетов.

Салтанатта РИИБдин курамындагы алдыңкы кызматкерлерге ар кандай төш белгилер тапшырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×